অন্যায় আৰু অনাস্থাৰ
এনে কুসময়তো
তেওঁলোকে ৰচি আছে
সাঁচি ৰাখিছে
বিশ্বাসত আস্থা
আৰু ইতিহাসৰ দিনৰ সময়বোৰ
যিবোৰ পাৰ হৈ যোৱা
ভালেমান দিন হ’ল,
তথাপি
তেওঁলোকৰ বিশ্বাস আছে
ন্যায় শাসনৰ,
তেওঁলোকে গঢ়ি আছে
বত্ৰিশটা চিৰি
আৰু এখন সিংহাসন,
তেওঁলোকৰ বিশ্বাস আছে
ন্যায়ৰ পক্ষ ল’বলৈ
উভটি আহিব
বত্ৰিশ পুতলা,
তেওঁলোকে মাতি আছে
সময়ক
যি এতিয়া মাথো এক ইতিহাসৰ
কাহিনী…
মূল: (হিন্দী) সতীশ
জয়চৱাল
অনু: ডঃ মাখন লাল দাস
No comments:
Post a Comment