কণমানি লামাৰ চকুত নদী..

গেৰুৱা বস্ত্ৰেৰে সজোৱা-পৰোৱা

যেন কোনো পুতলা,

কৌতুহল ভাবেৰে ভৰা

চাই আছে

পাহাৰৰ পৰা

নদীখন

নদীত নামিব ধৰা সন্ধিয়া, 

বহু দূৰৰ পৰা

আগুৱাই আহি আছে

দিনটোৰ ভাগৰ-জুৰুলা

সূৰ্য

লাহেকৈ নামিল

নদীত,

 

তেনেকুৱাই হৈ গ’ল

ৰং

নদীৰ পানীৰ

গেৰুৱা

যেনেকুৱা

শিশু লামাৰ কাপোৰৰ ৰং ,

তেনেদৰেই

সন্ধিয়াৰ সূৰ্যও

গেৰুৱা বস্ত্ৰেৰে সজ্জিত হ’ল

যেন কোনো পুতলা,

কৌতুহলেৰে ভৰা

কণমানি লামা

চাই আছে

সন্ধিয়াৰ দিব্য খেল

পুতলা খেলি আছে নদীয়ে ৷

                 মোৰ বন্ধুবৰ শ্ৰীসতীশ জয়চৱালৰ  नन्हे लामा की आँखों में नदी ৰ অনুবাদ..